Thursday, December 24, 2009

නිවාඩුවට කලින් ගමට, මං එන්නද පියඹා…

පොල්පිත්තෙන් මං හදාපු
පොල් කටු අං දෙක තියාපු
පුල්ලිගොනා හඬතලනා
හඬ හීනෙන් ඇහුනා…
මතක පොතේ පිටු අතරින්
කඳුළු පොකුරු ඉනුවා…

ඕවිට ළඟ හැන්දෑවට
තුරුලිය නලවමින් හමන
සීත සුළඟ අත්තම්මේ
ගම්මානෙට උරුමා…
නගරේ ගිණිදළු නිවන්න
මද නල නෑ අදෙනා…

මහ වෙළ ළඟ වගේ හැඩට
දොළ පාරක් නැතිවුනාට
මේ නගරේ අරුමෝසම්
දිය මල් වැල් බෝමා…
වායේ පීනන්නට
තිත්ත පැටව් නො එනා…

ඉපනැල්ලේ සුවඳ හමන
මිතුරු දසන් කැකුළු මැවෙන
අත්තම්මෙ හැබෑවටම
මං හීනෙන් දුටුවා…
නිවාඩුවට කලින් ගමට
මං එන්නද පියඹා…

2 comments:

  1. Lassanai.Mage hitha kiyawanawa wagei.
    D.

    ReplyDelete
  2. ස්තූතියි ඇනෝ.. :D

    ReplyDelete