Thursday, December 31, 2009

2010 ට...

වසර 2010 ට පියනගන ඔබ හැමදෙනාටම සිතූගෙන් සුභ පැතුම්......!

Thursday, December 24, 2009

ඔබ සැමට සුභ නත්තලක් වේවා...!


නිවාඩුවට කලින් ගමට, මං එන්නද පියඹා…

පොල්පිත්තෙන් මං හදාපු
පොල් කටු අං දෙක තියාපු
පුල්ලිගොනා හඬතලනා
හඬ හීනෙන් ඇහුනා…
මතක පොතේ පිටු අතරින්
කඳුළු පොකුරු ඉනුවා…

ඕවිට ළඟ හැන්දෑවට
තුරුලිය නලවමින් හමන
සීත සුළඟ අත්තම්මේ
ගම්මානෙට උරුමා…
නගරේ ගිණිදළු නිවන්න
මද නල නෑ අදෙනා…

මහ වෙළ ළඟ වගේ හැඩට
දොළ පාරක් නැතිවුනාට
මේ නගරේ අරුමෝසම්
දිය මල් වැල් බෝමා…
වායේ පීනන්නට
තිත්ත පැටව් නො එනා…

ඉපනැල්ලේ සුවඳ හමන
මිතුරු දසන් කැකුළු මැවෙන
අත්තම්මෙ හැබෑවටම
මං හීනෙන් දුටුවා…
නිවාඩුවට කලින් ගමට
මං එන්නද පියඹා…

Wednesday, December 23, 2009

දුක

ඕං මං අවා..
කෝ ඔබ, ගිහින්ද..?
මේ තරම් උදෙන්.. වේලපහින්..
මං වෙලාව බැලුවා..
ඔහ්.. මං පරක්කුයි..
දැන් මොකද කරන්නෙ...
අටට ලෙක්චර් එක
වෙන මොනව කරන්නද..
බලන් ඉන්නවා හැර..
ඊළඟ කෝච්චිය එනතුරු...

Tuesday, December 22, 2009

නුඹ එනතුරු

වන රොද වැට දෙවැට දිගේ
කඳු වැටි බඩ වැටි අතරේ
ගුණ්ඩු පැනල-ඔට්ටු දුවපු
යටගිය ඒ සොඳුරු සමය
අමතක නෑ නොවෙද මිතුර

පාන්දරම තුරු මත්තේ
තවමත් මල් පිපෙනවාද
සුපිපි පියුම් වටේ රඟන
විහඟුන් ගී ගයනවාද
දොළ පාරේ කණ්ඩියෙ
කොක්-නයිඳේ සිල් රකිනවාද
ගුරු පාරේ පොඩි වැලි කැට
සඳ වතුරට තෙමෙනවාද

පන්දු ගහපු ඉපනැල්ලේ
වක්කඩ ළඟ මහ නියරේ
ගම ඇවිදින් මං ඉන්නම්
අනාගතේ මතු දවසක
මිහිරි මතක පොදි බැඳගෙන
ඉස්සර වගෙ නුඹ එනතුරු

Monday, December 21, 2009

සමාවෙයන්...

ඒකාලෙ ඉඳන් මං ලඟ හිටපු
ජීවිතේ හැම පිටුවක්ම දැනගෙන හිටපු
නෙත'ග තෙමෙන තුරු හසරැලි පාපු
දුක හිතුනමත් අතහැර නොගියපු
දිනපොත,
මට සමාවෙයන්
මං උඹව අතහැරියා.....

Sunday, December 20, 2009

සිත හිතන හැටි

උපන්දා සිට මියෙන තුරු
අප ලොවට දෙන
ලොව අපට දෙන
බසක් නම් නැති වදන් අනවැසි
ඇරඹුමක් වත් නිමාවක් නැති
කාටවත් අයිතියක් නම් නැති
සිනහවෙන් සහ කඳුලැළින් හෙබි
රිද්මයක් ඇති ජීවයෙන් පිරි
නවමු හැඟුමකි ආදරය...

මුල් පියවර

හාහාපුරා පටන් අරන්
නිදහසේ හිටපු කාලෙක
වැඩ වැඩියි කියල අත් හිටවපු,
ඇත්තටම වැඩ වැඩි කාලෙක
ආයිමත් අකුරු අමුනන්න පටන් ගත්ත
සිතූ ගේ අන්තර්ජාල සටහන....